Trap fiets vir Plaasveiligheid

  Leon van Dijkhorst, sy vrou Sonja en sy broer, Johan is Maandagoggend, 30 Desember 2013 deur Heleen en Anel van Suidwes Landbou getrakteer op 'n laat ontbyt, vroeŽ middagete en die gasheer was Andrie de Kock, Voorsitter, en ander lede van Agri Boshof.  Hulle was met bergfietse op pad vanaf Soutpan na Kimberley. Sonja en nog iemand het per motor gereis.

  Die fietstog was die ideaal van Leon, sentrale streekbestuurder van Voermol. Hy wou daardeur 'n bewustheid kweek van wat besig is om op ons plase te gebeur.  Hy het besluit om iets te doen nadat 'n lid van die polisie by 'n boere-unievergadering waar Leon teenwoordig was die verhaal vertel het en foto's gewys het van 'n grusame plaasmoord.

  Projek Suiderkruis wat deur Agri SA en Voermol ondersteun word, het op 30 November 2013 op Oewer Vlakte noordwes van Messina in die Limpopo provinsie afgeskop en het op 8 Januarie 2014 by Alexanderbaai aan die Weskus geŽindig nadat 4200 km regoor Suid-Afrika in die vorm van 'n kruis (noord na suid en toe weer van oos na wes) afgelÍ is. Die eerste 2200 km was vanaf Messina, die mees noordelike punt van die land om Kaap Agulhas, die mees suidelike punt van die land op 16 Desember te bereik.  Die tweede 2200 km was vanaf Kosibaai op 20 Desember na Alexanderbaai, wat hulle op 8 Januarie 2014 bereik het.

  Die fondse wat ingesamel is, gaan 80 persent na die Agri Securitas Trustfonds wat ten doel het om misdaad op plase en in landelike gebiede hok te slaan, en die oorblywende 20 persent gaan aangewend word vir Bybelverspreiding en die voorkoming van renosterstropery.

Andrie de Kock, Voorsitter, oorhandig Agri Boshof se bydrae aan Leon - Willem Botha (links) en Johan van Dijkhorst (regs) kyk toe

Van die gaste saam met Leon 

Boshof Tuisblad