Oud-Rooidakkers Matriekklas van 1964 hou weer reünie (2012)

Wynand Theron

Die 1964-Matriekklas van die destydse Rooidakskool  het die naweek van 20 - 22 April reünie gehou by Emoya Landgoed buite Bloemfontein. Van Vrydagmiddag af is daar heerlik  gekuier en die  potjiekos en braaivleis wat die aand  voorgesit is, het voortreflik gesmaak. Die vorige reünie was in 2007 op Boshof en dit  was asof almal sommer net weer begin saamkuier het daar waar hulle 5 jaar gelede  opgehou het.

Na 'n laat-ontbyt, is die res van  Saterdag  gesellig op die landgoed deurgebring en is daar heerlik oor vervloë dae gesels - daardie dae toe ons nog fiks was en ons oë nog geblink het!! Natuurlik is daar ook baie gespog met onlangse foto's van kinders en kleinkinders - baie kan in meer as 4 dekades gebeur!!

Saterdagaand was die hoogtepunt van die naweek en 18 van die 29 matriek-maats van 1964 was teenwoordig (3 is reeds oorlede). Die twee juffrouens wat in 1953 en 1954 vir 10 van die klasmaats in Sub A en Sub B skoolgehou het, was ook teenwoordig en was die eregaste vir die aand. Behalwe vir die saamkuier en heerlike ete wat deur Emoya voorgesit is, is die aand verder opgehelder deur klasmaats wat vertel het van kwajong-streke wat hulle tydens skooldae aangevang het. Later het almal nadergeskuif vir 'n vertoning wat saamgestel is uit foto's van die klas se skooldae  - dit het die gedagtes op ver paaie laat terugdwaal het en van die minder "amptelike" foto's het die kykers lekker laat skaterlag.

Na 'n verfrissende ontbyt en 'n laaste saamwees Sondagoggend,  is daar tot siens gesê,  maar gelukkig met die vooruitsig van 'n weersiens oor slegs 3 jaar  -  in 2015 wanneer die klas  die herdenking van 50 jaar uit die skool sal vier!! Daardie heuglike gebeurtenis sal op Boshof gevier word.

Ut Prosim tot dan!! 

 

Agter : John Hartslief, Koos du Plessis, Ben van Rensburg, Willem Pienaar, Le Roux Botha, Leon Lotter, Johan Jacobs, Wynie Theron
Middel: Marie van Vuuren(Jacobs), Christa Pienaar (Theron) Elize Jacobs (de Villiers) Erna Teubes(Erasmus) Helena Coetzee(du Toit), Hannatjie Wiesner(Weich)
Voor: Magda Hartslief (van der Merwe) Marlinda van den Berg (Böning) Martie Dippenaar (Sub A-onderwyseres), Susan du Plessis(Sub B-onderwyseres) Marina de Vries(du Plessis), Sanette Badenhorst)  

Lekker ontspanne langs die dam by Emoya-landgoed.

Marie van Vuuren (Jacobs) lees opstelle voor uit die Jaarblad van 1964.

Christa Pienaar (Theron) saam met haar twee kindertuin-onderwyseresse van
1953 en 1954 - Susan du Plessis en Martie Dippenaar.

Maats van 1964 gesellig om die vuur.
Ben van Rensburg, Leon Lotter, Willem Pienaar, Dup du Plessis en Le Roux Botha

Marina de Vries (du Plessis), Helena Coetzee (du Toit) en Marlinda van den Berg (Böning) aan die ontbyttafel.

Ben van Rensburg, Wynie Theron en Willem Pienaar gesels heerlik oor die skooldae van 1964.

Riaan en Marie van Vuuren aan die ontbyttafel saam met Paul Jacobs.

 Die makhukhu's by Emoya Landgoed waar die reünie-gangers oorgeslaap het

Terug na Oud-Rooidakkers adreslys